महिला दिनाच्या निमित्ताने ग्रामपंचायत वाठार निंबाळकर यांच्याकडून विविध कार्यक्रमाचे आयोजन

फलटण | धैर्य टाईम्स | 

 फलटण तालुक्यात ग्रामपंचायत स्तरावर विविध प्रकारचे कार्यक्रम आयोजित करणारी ग्रामपंचायत म्हणून वाठार निंबाळकर ग्रामपंचायत ओळखली जाते. शनिवार दिनाक ८ मार्च २०२५ रोजी जागतिक महिला दिनाचे औचित्य साधून ग्रामपंचायत कार्यालय वाठार निंबाळकर तालुका फलटण येथे ग्रामपंचायत वाठार निंबाळकर व श्री नंदकुमार नाळे मित्र मंडळ वाठार निंबाळकर यांच्या संयुक्त विद्यमानाने गावातील विविध स्तरावर कार्यरत असलेल्या महिलांचा सत्कार समारंभ आणि सर्व महिलांसाठी मोफत आरोग्य तपासणी व उपचार शिबिराचे विविध कार्यक्रमाचे आयोजन करण्यात आले होते.

ग्रामपंचायत वाठार निंबाळकर सरपंच सौ. सुवर्णा नंदकुमार नाळे सर्व ग्रामपंचायत सदस्य व श्री नंदकुमार नाळे मित्र मंडळ वाठार निंबाळकर यांच्यायांच्या मार्गदर्शनाखाली ग्रामपंचायत कार्यालय येथील सभागृहात आरोग्य तपासणी व उपचार शिबिराचे कार्यक्रमाचे आयोजन केले होते. यावेळी प्रमुख पाहुणे म्हणून डॉ. माधवजी पोळ, डॉ. अलका पोळ, डॉ. सागर माने, मेडिकल ऑफिसर पूनम शिंदे, मेडिकल ऑफिसर डॉ नितीन राठोड, युवा उद्योजक नंदकुमार नाळे, ग्रामसेवक...

डॉ. दिपाली नाळे,क्षीरसागर मॅडम मान्यवर उपस्थित राहून त्यांनी विविध विषयांवर महिलांना मार्गदर्शन केले.यावेळी गावातील महिला व तरुणी मोठ्या संख्येने उपस्थित होत्या.

सर्वप्रथम ज्ञानज्योती सावित्रीबाई फुलें यांच्या प्रतिमेस अभिवादन करण्यात आले. यानंतर उपस्थित मान्यवरांचे ग्रामपंचायत सरपंच सौ. सुवर्णा नंदकुमार नाळे व सर्व ग्रामपंचायत सदस्यांनी तसेच तंटामुक्ती समितीचे वाठार निंबाळकर चे अध्यक्ष श्री. नंदकुमार नाळे यांनी मान्यवरांच्या आपल्या शुभहस्ते स्वागत केले.यावेळी अंगणवाडी सेविका, आरोग्य सेविका, ग्रामपंचायत महिला सदस्या व ग्रामस्तरावर काम करणाऱ्या विविध महिलांचा यांचा यावेळी सत्कार करण्यात आला.

 या संपूर्ण शिबिरामध्ये डॉ. विशाल नाळे यांनी महिलांसाठी मोफत लॅब तपासणी केली. या कार्यक्रमात या कार्यक्रमास वाठार हायस्कूल वाठार निंबाळकर चे मुख्याध्यापक व सर्व शिक्षक स्टाफ व सर्व विद्यार्थ्यांनी उपस्थिती होत्या. तसेच या कार्यक्रमाला जिल्हा परिषद शाळा प्राथमिक वाठार निंबाळकर चे मुख्याध्यापक व सर्व स्टाफ तसेच भोंगळे वस्ती जुनागाव व तरटे वस्ती येयील सर्व शिक्षिका उपस्थित होत्या. 

कार्यक्रमाला आरोग्य खात्यातील सर्व आरोग्यसेविका, आशा सेविका, अंगणवाडी सेविका, मदतनीस, शालेय व्यवस्थापन समितीच्या सर्व अध्यक्षा सर्व आजी-माजी सरपंच व उपसरपंच तसेच विकास सेवा सोसायटी चे चेअरमन, व्हाईस चेअरमन, सर्व सदस्य उपस्थित होते. या शिबिराला महिलांनी उत्स्फूर्त प्रतिसाद दिला शेवटी भंडलकर सर यांनी आभार मानून कार्यक्रमाची सांगता झाली कार्यक्रमाला नंदकुमार नाळे मित्र मंडळ यांच्या वतीने अल्पवहाराचे आयोजन करण्यात आले होते.