यात्रा घोटाळा व मालवाहतूक घोटाळा प्रकरणी मुख्यमंत्री यांच्या कडे तक्रार करणार : नानासो उर्फ पिंटू इवरे

फलटण एसटी आगारात अष्टविनायक यात्रा व मारुती यात्रा, मालवाहतूक भाडे यामध्ये जो आर्थिक भ्रष्टाचार झाला आहे असाच भ्रष्टाचार संपूर्ण महाराष्ट्रात झाला असल्याची शक्यता असल्याची बाब शिवसेना फलटण तालुका प्रमुख नानासो उर्फ पिंटू इवरे यांनी बोलून दाखवली

फलटण प्रतिनीधी:- फलटण एसटी आगारा बाबतच्या तक्रारीचा सासेमिरा पाठ सोडण्याचे चिन्ह दिसत नसून यात्रा घोटाळा व मालवाहतूक घोटाळा प्रकरणी शिवसेना फलटण तालुका प्रमुख नानासो उर्फ पिंटू इवरे यांनी याप्रकणात मुख्यमंत्री एकनाथ शिंदे व पालकमंत्री शंभूराज देसाई यांच्याकडे तक्रार दाखल करणार असल्याची माहिती पत्रकार परिषदेत दिली आहे.

शासकीय विश्रामगृह येथे आयोजित पत्रकार परिषदेत शिवसेना फलटण तालुका प्रमुख नानासो उर्फ पिंटू इवरे यांनी फलटण एसटी आगारा बाबतच्या तक्रारीचा पाढा वाचला आहे. यावेळी बोलताना नानासो उर्फ पिंटू इवरे म्हणाले की, शनिवार दिनांक ९ सप्टेंबर रोजी फलटण तालुक्यातील अनेक गावातील महिलां व पुरुष अष्टविनायक यात्रेसाठी गेल्या असता एसटी महामंडळ भरारी पथकाने रांजणगाव येथे केलेल्या गाडी तपासणीत चार गाड्यांमध्ये सुमारे १ लाख ५० हजार रुपयांचा घोटाळा झाला असून वासंती जगदाळे आगार व्यवस्थापक , राजेंद्र वाडेकर सहाय्यक वाहतूक अधीक्षक, रोहित नाईक सहाय्यक कार्यशाळा अधीक्षक , सुहास कोरडे वाहतूक निरीक्षक, सुखदेव भीमराव अहिवळे सहाय्यक वाहतूक निरीक्षक, सुरजित बोबडे लिपिक हे सर्व अधिकारी व कर्मचारी यास जबाबदार आहेत.

फलटण तालुक्यातील महिलांनी अष्टविनायक यात्रेच्या चार गाड्याचे पैसे राजेंद्र वाडेकर यांनी प्रवाशांकडून ऑनलाईनद्वारे स्वतःच्या खात्यावर पैसे मागून घेतले परंतु बुकिंग तिकीटे महिलांना दिली नाहीत व एसटी खात्यावर पैसे भरले नाहीत फक्त एका कागदावर सही शिक्का मारून दिले, वासंती जगदाळे आगार व्यवस्थापक यांनी परवानगी दिली यात्रेसाठी लागणाऱ्या चार गाड्या एसटी नियमांनुसार कागदपत्र न करता राजेंद्र वाडेकर यांनी साध्या कागदावर आगार प्रमुख यांचा शिक्का मारून स्वतःच सही करून दिली यात सहभागी रोहित नाईक यांनी चार गाड्या दिल्या आहेत.

सुहास कोरडे वाहतूक निरीक्षक यांनी चार एसटी साठी चालक व वाहक यांना काम नेमून दिले. रांजणगाव येथे रात्री एसटी भरारी पथकाने या चार गाड्या थांबवून या गाड्यांची तपासणी केली गाडीतील प्रवाशांनी राजेंद्र वाडेकर साहाय्यक वाहतूक अधीक्षक यांनी बुकिंग तिकीटे अथवा पत्र दिले नसल्याचे सांगितले. अंदाजे १ लाख ५० हजार रुपये एस टी महामंडळाच्या खात्यावर न भरता घोटाळा करत सर्व अधिकाऱ्यांनी मिळून राजेंद्र वाडेकर याच्या खात्यावर ऑनलाईन ने मागवून घेतले आहेत. 

खटकेवस्ती, घाडगेवाडी, साखरवाडी येथील महिलांची लाखो रुपयांची फसवणूक सर्व अधिकाऱ्यांनी मिळून केली आहे. तसेच ११ मारुती दर्शन मध्ये पण मोठ्या प्रमाणात भ्रष्टाचार झाला आहे यात पण महिलांना कच्या चिठ्ठीवर तिकिटे देवून फुल तिकिट देवून फसवणूक करण्याचा प्रयत्न केला आहे. तसेच कोरोनात पण माल वाहतुकीत याच वाडेकर च्या खातेवर पैसे जमा करुन घेत कंपनी, साखर कारखाने, पशुखादय, वाहतुकी यात खुप मोठ्या प्रमाणात भ्रष्टाचार झाला आहे याची पण चौकशी होणे गरजेचे आहे. याच राजेंद्र वाडेकरनने मागील काही महिन्यात असाच भ्रष्टाचार केला होता.

त्याच वेळेस यास निलंबित का केला नाही, यातील पैसे कोणत्या आधारे भरुन घेतले व कोणते अधिकारी यास पाठीशी घालत आहेत. फलटण आगारातील कर्मचारी व ड्रायव्हर, कन्डक्टर दहशतीखाली काम करत आहेत. त्यांची मानसिक व शारीरिक पिळवणुक होत आहे. तसेच प्रवाशांना मारहाण वेळेत बस न सुटणे, चौकशी करणाऱ्या प्रवाशांशी हुज्जत घालणे, अधिकाऱ्यांना हाताशी धरुन वाहक व वाहन चालक यांना लिपिक व स्टोअर किपर सारख्या ठिकाणी ड्युटी देणेचे उदयोग पण चालू आहेत, तसेच विद्यार्थीची गैरसोय होईल अशा पध्दतीने बसेस सोडणे व खोटे गुन्हे दाखल करणेच्या धमक्या देणे असे प्रकार फलटण बस स्थानकात सऱ्हास चालू आहेत.

एसटी विभाग नियंत्रक रोहन पलंगे यांना पालकमंत्री ना.शंभुराजे देसाई साहेब व जिल्हाअधिकारी यानी सुचना करुन फलटण डेपो बाबत लक्ष घालण्याच्या सुचना केल्या होत्या मी स्वत:अनेक तक्रारी बाबत भेट घेऊनही त्यांनी कोणत्याही प्रकारची कारवाई केली नाही. सदर प्रकरणी मुख्यमंत्री एकनाथ शिंदे व पालकमंत्री शंभूराज देसाई यांच्याकडे तक्रार करणार आहे असे सांगितले.

वासंती जगदाळे आगार व्यवस्थापक,राजेंद्र वाडेकर सहाय्यक वाहतूक अधीक्षक, रोहित नाईक सहाय्यक कार्यशाळा अधीक्षक, सुहास कोरडे वाहतूक निरीक्षक सुखदेव भीमराव अहिवळे सहाय्यक वाहतूक निरीक्षक, सुरजित बोबडे लिपिक हे सर्व अधिकारी व कर्मचारी यांनी मारुती यात्रा, अष्टविनायक यात्रा, माल वाहतूक भाडे यामध्ये मोठा घोटाळा केला आहे याचा तपास करून वरील सर्वांना तत्काळ अपहार प्रकरणी गुन्हा दाखल करून निलंबीत करावे अशी मागणी नानासो उर्फ पिंटू इवरे यांनी केली आहे. यावेळी तालुका प्रमुख ज्ञानेश्वर पवार,जेष्ठ नेते संजय अहिवळे, शहर उपप्रमुख विनोद एक्के, समीर गायकवाड उपस्थित होते.