डॉ. आंबेडकर जयंती निमित्त पिंपरद येथे रक्तदान शिबिराचे आयोजन

भारतरत्न डॉ. बाबासाहेब आंबेडकर यांच्या 132 व्या जयंतीच्या निमित्ताने डॉ. बाबासाहेब आंबेडकर संयुक्त जयंती महोत्सव समिती पिंपरद(ता.फलटण ) यांच्या वतीने व यश ब्लड बंद सोलापूर यांच्या सहकार्याने पिंपरद ता. फलटण येथील डॉ. बाबासाहेब आंबेडकर सभागृहामध्ये दिनांक 14 एप्रिल 2023 रोजी सकाळी 10 वाजता रक्तदान शिबिराचे आयोजन करण्यात आले आहे. या रक्तदान शिबिराचे उद्घाटन विविध मान्यवरांचे हस्ते होणार असल्याचे डॉ. बाबासाहेब आंबेडकर संयुक्त जयंती महोत्सव समिती पिंपरदचे अध्यक्ष निरज मोरे यांनी कळविले आहे.

डॉ. बाबासाहेब आंबेडकर जयंती ही केवळ एक दिवस साजरी नकरता वर्षभर विविध सामाजिक कार्यक्रम, विविध शिबीरे, विद्यार्थी मार्गदर्शन शिबीरे, विविध व्यावसायिक प्रशिक्षण शिबीरे यांच्या माध्यमातून समाज उपयोगी कार्यक्रमाने भरगच्च असेल असे उपाध्यक्ष विकास मोरे यांनी म्हटले आहे.

तर डीजे व फटाकेमुक्त भीमजयंती या अभिनव संकल्पनेतून समाजाला वेगळा संदेश दिला जाणार आहे. डीजे व फटाक्या सारखा नाहक खर्चाला फाटा देत याच बचतीच्या पैशातून मागासवर्गीय व आर्थिक दुर्बल घटकतील विध्यार्थ्यांना शालेय गणवेश, शैक्षणिक साहित्य दिले जाणार आहे. डॉ. बाबासाहेब आंबेडकर यांना अभिप्रेत समाज निर्मिती हीच खरी त्यांना आदरांजली ठरेल असा विश्वास संस्थेचे सचिव विक्रांत मोरे यांनी व्यक्त केला आहे.