फलटण तालुक्यातील १३ किलोमीटर रस्त्यांना ग्रामीण मार्ग म्हणून दर्जा : मा खा.रणजितसिह नाईक निंबाळकर

फलटण प्रतिनिधी :

फलटण तालुक्यातील १३ कि.मी लांबीचे ५ अवगीकृत/ योजनाबाहय रस्ते ग्रामीण मार्ग म्हणून रस्ते विकास योजने अंतर्गत दरजोन्नती नंतर ग्रामीण मार्ग म्हणून दर्जा ग्रामीण विकास मंत्री ना.जयकुमार गोरे यांच्या प्रयत्नातून मिळाला असल्याची माहिती माजी खासदार रणजीतसिंह नाईक निंबाळकर यांनी दिली. 

यामध्ये राजाळे गाव फलटण आसु रस्ता, चारी टेंगीलवस्ती ते अनपट वस्ती रस्ता २ कि.मी, राजाळे गाव अंतर्गत आसु रोड ते पिंपरद रस्ता ४ किमी, राजाळे जाधव वस्ती ( शिवाजी नगर ) ते सोनगाव रस्ता १ कि.मी, आळजापुर ते पवार वस्ती मसुगडे वस्ती ते रणदिवे वस्ती ३.५० कि.मी, आळजापुर ते शिंदे वस्ती ( धनगरवाडा) बिबी रस्ता २.५० कि मी हे रस्ते ग्रामीण मार्ग झाल्यामुळे फलटण तालुक्यातील रस्त्यांचा दर्जा सुधारणार असून आमदार सचिन पाटील यांनी या रस्त्यांसाठी पाठपुरावा केल्याचे निंबाळकर यांनी निदर्शनास आणून दिले. फलटण तालुक्यातील रस्त्यांना जास्तीत जास्त निधी उपलब्ध करून देण्याचा आपला प्रयत्न राहील असे शेवटी माजी खासदार रणजितसिंह नाईक निंबाळकर यांनी निदर्शनास आणून दिले.