सतेज उर्फ बंटी पाटील यांचा मलकापूर पालिकेच्या वतीने सत्कार

कराड : राज्याचे गृहराज्यमंत्री (शहरे) ना. सतेज उर्फ बंटी पाटील यांची कोल्हापूर स्थानिक स्वराज्य संस्थामधुन विधान परिषदेवर बिनविरोध निवड झाली आहे. याबद्दल कोल्हापूर येथे त्यांच्या निवासस्थानी नगराध्यक्षा निलम येडगे व उपनगराध्यक्ष मनोहर शिंदे यांनी मलकापूर नगरपालिकेच्या वतीने त्यांचा सत्कार करुन शुभेच्छा दिल्या.
यावेळी मलकापूर पालिकेचे बांधकाम सभापती राजेंद्र यादव, नगरसेविका अलका जगदाळे, माजी नगराध्यक्ष मोहनराव शिंगाडे, धनराज शिंदे उपस्थित होते. ना. सतेज उर्फ बंटी पाटील यांचा मलकापूर नगरपालिकेच्या जडणघडणीमध्ये मोठा वाटा आहे. नगरपंचायतीची नगरपरिषद करण्यासाठी विधान सभेमध्ये प्रश्न मांडून नगरपालिका स्थापनेपासुन सामाजिक, राजकीय व सहकार क्षेत्राच्या माध्यमातुन त्यांचे मोलाचे सहकार्य लाभले आहे. याबरोबरच मलकापूर शहराच्या सर्वांगिण विकासामध्येही ना. पाटील यांचा सिंहाचा वाटा आहे. यामध्ये मलकापूर नगरपालीएक्ची सांडपाणी प्रक्रिया योजना, मलकापूर शहराचा विकास आराखडा, नगरपालिकेची अद्यावत प्रशासकीय इमारत आदी. कामांमध्येही ना. सतेज उर्फ बंटी पाटील यांनी नेहमीच मलकापूर नगरपालिकेला प्राधान्य दिलेले आहे. तसेच वेळोवेळी नगरपालिकेच्या विकास कामांच्या उद्घाटनानिमित्त उपस्थित राहून पालिकेच्या कारभाराविषयी दिलेल्या सुचना महत्वपुर्ण ठरलेल्या आहेत. त्यांच्या या कार्यप्रणालीमुळे नेहमीच नगरपालिकेच्या विकासकामांना गती मिळालेली आहे. तसेच प्रधनमंत्री आवास योजना प्रकल्पासही त्यांचे मोठे सहकार्य लाभले आहे.
ना. सतेज उर्फ बंटी पाटील यांचा माजी आ. स्वा.सै.कै. भास्करराव शिंदे यांच्या पश्चात मलकापूर शहरवासिंयाना जिव्हाळा निर्माण झाला आहे. मा. आमदार पृथ्वीराज चव्हाण यांच्या बरोबरीने मलकापूरच्या विकासासाठी नेहमीच ते प्रयत्नशील राहुन मलकापूर नगरपलिएक्च्य विकासकामांना गती देण्यासाठी प्रयत्नशील आहेत. शिवाय, अडी-अडचणीच्या काळात त्यांनी केलेला संघर्ष व त्यांचे योगदान निश्चितच मोलाचे आहे. त्यांचा जनसंपर्क विचारात घेऊन त्यांना विधान परिषदेवर बिनविरोध निवडूण देण्यात आले आहे. यावरुन त्यांनी आजवर त्यांच्या राजकिय कारकिर्दीत केलेल्या कामाची हीच पोहोचपावती आहे.
त्यांच्या या निवडीमुळे भविष्यामध्ये मलकापूर नगरपालिकेच्या विकास कामासाठी गती मिळणार आहे. ना. सतेज उर्फ बंटी पाटील यांचा माजी मुख्यमंत्री आ. पृथ्वीराज चव्हाण यांच्या हस्ते मलकापूर शहरवासियांच्या उपस्थितीमध्ये लवकरच सत्कार समारंभ आयोजित करण्यात येणार असुन त्यांना मलकापूर नगरपालिका व शहरवासीयांच्या वतीने पुढच्या वाटचालीस शुभेच्छा देण्यात आल्याचे उपनगराध्यक्ष मनोहर शिंदे यांनी सांगितले.