शिवरूपराजे खासदार रणजितसिंह यांच्या गोटात

सचिन मोरे, फलटण. 

तिसऱ्या टप्प्यात होत असलेली माढा लोकसभेची निवडणूक आता रंगतदार अवस्थेत पोहोचली असून, राज्यासह देशातील नेत्यांनी माढा लोकसभेमध्ये उडी घेतल्याचे चित्र दिसते आहे. या मतदारसंघांमध्ये पंतप्रधान नरेंद्र मोदी यांच्यासह उपमुख्यमंत्री देवेंद्र फडणवीस, तर महाविकास आघाडी कडून माजी केंद्रीय मंत्री शरद पवार यांनी सभांचा धडाका सुरू केला आहे. यातच अनेक मातब्बर मंडळी आपली पक्षीय भूमिका बदलताना दिसत असल्याने रोज एक नवीन ट्विट्स माढ्यात पाहायला मिळत आहेत. आज सुरवडी येथील हॉटेल निसर्ग मध्ये भाजपा प्रमुख कार्यकर्त्यांची बैठक खासदार रणजितसिंह नाईक निंबाळकर यांच्या प्रमुख उपस्थितीत संपन्न झाली. यावेळी शरद पवारांचे निष्ठावंत मानले जाणारे श्रीमंत शिवरूपराजे खर्डेकर - निंबाळकर, संचालक सातारा जिल्हा मध्यवर्ती सहकारी बँक, यांनी या बैठकीला उपस्थित राहिल्याने अनेकांच्या भुवया उंचावल्या. खासदार रणजितसिंह नाईक निंबाळकर यांच्याशी शिवरूपराजे यांच्याशी माढा लोकसभा निवडणूकी विषयी महत्वाच्या विषयावर चर्चा केल्या. शिवरूपराजे खर्डेकर - निंबाळकर यांच्या भेटीने मतदार संघात नवा ट्विट्स निर्माण झाला आहे. यावेळी फलटण - कोरेगाव विधानसभा प्रभारी सचिन कांबळे - पाटील यांच्यासह माजी नगरसेवक व प्रमुख पदाधिकारी मोठ्या संख्येने उपस्थित होते. 

श्रीमंत शिवरूपराजे खर्डेकर - निंबाळकर हे सातारा जिल्हा मध्यवर्ती सहकारी बँकेचे विद्यमान संचालकआहेत तर फलटण पंचायत समितीचे माजी सभापती , व फलटण कृषी उत्पन्न बाजार समिती माजी चेअरमन म्हणून त्यांनी फलटण तालुक्यात भरीव काम केले आहे. फलटण पूर्व भागात श्रीमंत शिवरूपराजे यांना मानणारा मोठा मतदार वर्ग असून एकूणच फलटण तालुक्यात त्यांचा दांडगा जनसंपर्क आहे. अजातशत्रू म्हणून ओळख असणारे शिवरूपराजे व खासदार रणजितसिंह नाईक निंबाळकर यांच्या भेटीने फलटण तालुक्यातील नवी राजकीय गणिते मांडली जात आहेत. 

शिवरूपराजे खर्डेकर - निंबाळकर हे खासदार रणजितसिंह नाईक निंबाळकर यांच्या प्रचारात महत्वाची भूमिका बजावणार आहेत. शिवरूपराजे यांना फलटण तालुक्यात मानणारा मोठा तरुण वर्ग आहे. त्यामुळे खासदार रणजितसिंह यांना मोठा राजकीय फायदा होणार असल्याचे बोलले जात आहे.

राजेगट व शिवरूपराजे यांच्या मध्ये अनेक वर्षापासून धुसफूस सुरू होती असे बोलले जात आहे. शिवरूपराजे यांच्याकडे मोठी प्रतिभा व राजकीय कौशल्य असूनही त्यांना फलटणपूर्व भागा पुरते मर्यादित ठेवण्याचे काम केले. आता मात्र खासदार रणजितसिंह यांच्या मुळे त्यांना मोठे राजकीय पाठबळ मिळाले असल्याचे बोलले जात आहे. शिवरूपराजे यांच्या कडे फलटणचे तिसरे नेतृत्व म्हणून पाहिले जात होते.