एक वेळ रणजितसिंह नाईक निंबाळकर यांच्याशी तडजोड करेल मात्र शिवरुपराजे खर्डेकर यांच्याशी नाही – आ. श्रीमंत रामराजे नाईक निंबाळकर

फलटण प्रतिनीधी : फलटण तालुक्याच्या प्रत्येक गावात त्यांची पावलोपावली अडचण होत होती म्हणून आपल्याला लोकसभेला वेगळा निर्णय घ्यावा लागला.अशा माणसाला शिवरूपराजे खर्डेकर यांनी साथ देणे बुध्दीला पटत नाही.शिवरूपराजे यांना आम्ही घरातले समजून सर्व काही दिलं मात्र त्यांनी आम्हाला परकं मानलं आहे.अडचणीच्या काळात जे गटासोबत राहिले आहेत,त्यांच्यासोबत राहण्याचा निर्णय आम्ही घेतला आहे.तालुक्याचं भलं करण्यासाठी आम्ही राजकारणात आलो होतो कामातून आणि विकासातून माणसं जोडण्याचे काम गेली तीस वर्षे करत आहोत. एक वेळ रणजितसिंह नाईक निंबाळकर यांच्याशी तडजोड करेल मात्र शिवरुपराजे खर्डेकर यांच्याशी नाही असे परखड मत विधान परिषदेचे माजी सभापती तथा विद्यमान आमदार श्रीमंत रामराजे नाईक निंबाळकर यांनी व्यक्त केले.

आसू (ता. फलटण) येथील विविधवि कासकामांचे उद्घाटन व भूमिपूजनस मारंभ श्रीमंत रामराजे नाईक निंबाळकर यांच्या हस्ते संपन्न झाला.त्यावेळी ते जाहीर सभेत बोलत होते.अध्यक्षस्थानी आमदार दीपक चव्हाण होते.यावेळी जिल्हा परिषदेचे माजी अध्यक्ष श्रीमंत संजीवराजे नाईक निंबाळकर, पंचायत समितीचेपंचायत समितीचे माजी सभापती श्रीमंत विश्वजितराजे नाईक निंबाळकर,श्रीराम कारखान्याचे चेअरमन बाळासाहेब शेंडे, संचालक स्वामीनाथ साबळे,राजन फराटे,महादेव आबा पवार,विकासकाका वरे,अशोक तावरे,प्रमोद झांबरे,विश्वासदादा गावडे, दूध संघाचे अध्यक्ष धनंजय पवार, जयकुमार इंगळे यांच्यासह आसू पंचक्रोशीतील राजे गटाचे कार्यकर्ते व ग्रामस्थ मोठया संख्येने उपस्थित होते.

फलटण तालुक्याच्या कोणत्या अडचणीत शिवरूपराजे उभे राहिले आहेत,ते त्यांनी सांगावे.आम्ही पूर्वभागाची माफी मागितली पाहिजे,कारण ह्या अशा माणसाच्या मागे आम्ही तुम्हा जनतेला उभे राहायला सांगितले होते.यापुढे शिवरूपराजे यांचे बरोबर तडजोड करणार नाही.त्यांचे आमचे संबंध संपलेले आहे.आमचा भाजपा किंवा अजितदादा पवार यांना विरोध नाही. जे काही घडले आहे,ते मी देवेंद्र फडणवीस यांना स्पष्ट सांगितले होते की, रणजितसिंह नाईक निंबाळकर यांच्या स्टेजवर आम्ही जाऊ शकत नाही. मी जर महायुती सोबत गेलो असतो तर मला सभापतीपद मिळाले असते. मात्र मी कार्यकर्त्यांचा विचार केला ज्यांनी कार्यकर्त्यांना अडचणीत आणले त्या माजी खासदाराला साथ देणे मला पटले नाही.शिवरूपराजे यांना जी पदे दिली होती ती अजित पवारांनी सांगितली होती का? तुम्ही अजितदादांच्या सोबत एकनिष्ठेची शपथ घेताय, हेच हास्यास्पद आहे.तुमचं पाणी सांगोल्याला नेलं तेव्हा शिवरूपराजे कुठं होते? असे श्रीमंत रामराजे नाईक निंबाळकर यांनी यावेळी सांगितले.

यावेळी आमदार दीपक चव्हाण म्हणाले की, आ. श्रीमंत रामराजे यांच्या नेतृत्वात फलटण तालुक्याचा चौफेर विकास झाला आहे. दुष्काळी भागाला पाणी द्यायचे काम रामराजे यांनी केले आहे. यासोबतच बागायती पट्ट्यामध्ये मूलभूत सुविधा देण्याचे काम रामराजे यांनी केले आहे. रामराजे यांच्या माध्यमातून ‘कमिन्स’ सारखी मोठी कंपनी झाली आहे. नीरा-देवघर प्रकल्प हा रामराजे यांच्या काळातच झाला आहे. पाडेगाव ते आसूपर्यंतच्या ३६ गावांना पाणी देण्याचे काम रामराजे व संजीवराजे यांनी केले आहे.

यावेळी श्रीमंत संजीवराजे नाईक निंबाळकर म्हणाले की, आसू ग्रामस्थांचे आभार मानण्यासाठी आज आम्ही येथे आलो आहे. आज अनेकांच्या मनात शंका कुशंका आहेत. रामराजेंच्या कारकिर्दीत आसूमध्ये असा कार्यक्रम प्रथमच झाला आहे. लोकसभेला कार्यकर्ता मेळाव्यात ९९.९९% लोकांनी निर्णय काय घ्यायचा हे सांगितले होते. वरिष्ठ पातळीवर भारतीय जनता पार्टी, शिवसेना व राष्ट्रवादी काँग्रेस पार्टी ही एकत्रित आहे परंतु तालुक्याच्या राजकारणात पावलोपावली माजी खासदार यांची अडचण होत होती.आपण लोकसभेला निर्णय घेतला, तो जर घेतला नसता तर रामराजे यांचे राजकारण अडचणीत आले असते. आम्ही शिवरूपराजे यांना कधीही वेगळे मानले नाही.अगदी बाजार समिती सभापतीपद,पंचायत समिती सभापतीपद,उप सभापतीपद व जिल्हा बँकेचे संचालक ही सर्व पदे दिली. तरीही शिवरूपराजे यांनी विरोधात काम केले. अडचणीच्या काळात जे राजे गटासोबत राहिले, त्यांच्या सोबत राहण्याचा निर्णय आम्ही घेतला आहे असे श्रीमंत संजीवराजे यांनी यावेळी सांगितले.