भाजप - राष्ट्रवादी काँग्रेस ( अजित पवार ) व शिवसेना यांच्यात होणार प्रमुख लढत : अर्ज छाननीत 107 उमेदवारी अर्ज वैध

फलटण प्रतिनिधी : 

फलटण नगरपरिषद सार्वत्रिक निवडणूक २०२५ मधील नगराध्यक्षपदासाठी ८ आणि नगरसेवक पदासाठी १८७ उमेदवारी अर्ज दाखल झाले होते. छाननी प्रक्रियेमध्ये नगराध्यक्षपदाचे ४ आणि नगरसेवक पदाचे १०७ उमेदवारी अर्ज वैध ठरले असल्याची माहिती प्रांताधिकारी तथा निवडणूक निर्णय अधिकारी प्रियंका आंबेकर, तहसीलदार तथा सहाय्यक निवडणूक निर्णय अधिकारी डॉ. अभिजित जाधव, नगरपरिषद प्रशासक व मुख्याधिकारी तथा सहाय्यक निवडणूक निर्णय अधिकारी निखिल जाधव यांनी दिली. फलटण नगरपरिषद सभागृहामध्ये मंगळवार, दि.१८ रोजी सकाळी ११ वाजता छाननी प्रक्रियेस प्रारंभ झाला.

यावेळी नगराध्यक्षपदासाठी दाखल ८ उमेदवारी अर्जापैकी अ. भा. राष्ट्रीय काँग्रेस डॉ. सचिन सूर्यवंशी बेडके, शिवसेना ॲड. श्रीमंत अनिकेतराजे नाईक निंबाळकर, भाजपचे समशेरसिंह नाईक निंबाळकर व अपक्ष प्रशांत अहिवळे यांचे उमेदवारी अर्ज वैध ठरले.

प्रभाग क्र. १ मधील एकूण १४ उमेदवारी अर्जापैकी २ अवैध ठरले आहेत. येथे सुमन रमेश पवार व लक्ष्मी प्रमोद आवळे हे शिवसेनेचे उमेदवार असून माजी नगरसेवक सोमाशेठ जाधव व विक्रम जाधव यांनी अपक्ष उमेदवारी अर्ज दाखल केले आहेत. प्रभाग क्र. २ मध्ये एकूण १९ उमेदवारी अजपैिकी ११ अर्ज अवैध ठरले आहेत. येथून आरती रणदिवे व अनिकेत अहिवळे हे शिवसेनेचे तर सुपर्णा अहिवळे व मीना काकडे या महायुतीतून राष्ट्रवादी काँग्रेसच्या उमेदवार आहेत. प्रभाग क्र. ३ मधील २१ उमेदवारी अजपैिकी १३ अवैध ठरले आहेत. येथून

पूनम भोसले व सुषमा ननावरे या शिवसेनेच्या उमेदवार आहेत तर महायुतीतून सुलक्षणा सरगर या भाजपच्या व सचिन अहिवळे हे राष्ट्रवादी काँग्रेसचे उमेदवार आहेत. त्याचबरोबर सुनील निकुटे हे देखील राष्ट्रीय काँग्रेसचे उमेदवार आहेत. प्रभाग क्र. ४ मधील १४ उमेदवारी अर्जापैकी ५ अवैध ठरले असून येथून रूपाली जाधव व अझरुद्दिन शेख हे शिवसेनेचे तर राहुल निंबाळकर भाजप व हेमलता नाईक राष्ट्रवादीच्या उमेदवार आहेत. प्रभाग क्र. ५ मधील १२ उमेदवारी अजर्जापैकी ५ अवैध ठरले आहेत. येथून विजय लोंढे व सुरेखा व्हटकर शिवसेना, रोहित नागटिळे व कांचन व्हटकर भाजपचे उमेदवार आहेत. या व्यतिरिक्त शिवसेना उबाठाचे योगेश्वरी खंदारे व शुभांगी गायकवाड निवडणूक रिंगणात आहेत. प्रभाग क्र. ६ मधील ६ उमेदवारी अर्जापैकी २ अवैध ठरले आहेत. येथून शिवसेना दीपक कुंभार व अमिता जगदाळे यांची भाजप श्रीमती मंगलादेवी नाईक निंबाळकर व किरण राऊत यांच्यात थेट लढत आहे. प्रभाग क्र. ७ मधून १४ पैकी ७ अवैध ठरले आहेत. येथून शिवसेना पांडुरंग गुंजवटे, श्रीदेवी कर्वे, भाजपकडून अशोकराव जाधव व स्वाती भोसले तसेच कृष्णा भीमा विकास आघाडी कडून मयूर गुंजवटे व शिवसेना उबाठा लता तावरे

रिंगणात आहेत. प्रभाग ८ मधील १३ पैकी ५ अवैध ठरले आहेत. येथून शिवसेना सौ. सुवर्णा खानविलकर व विशाल तेली, भाजपच्या सिद्धाली शहा व फिरोज आतार आणि शीतल निंबाळकर राष्ट्रवादी काँग्रेस शरदचंद्र पवार पक्षाच्या उमेदवार आहेत. प्रभाग क्र. ९ २० उमेदवारी अर्ज दाखल होते. त्यापैकी ९ अवैध ठरले आहेत. येथून राष्ट्रीय काँग्रेसचे पंकज पवार, अपक्ष कविता मदने तर राष्ट्रवादी काँग्रेसकडून रझिया मेटकरी व अमोल भोईटे उमेदवार आहेत. प्रभाग क्र. १० मध्ये १५ पैकी ४ अवैध ठरले आहेत. येथून गणेश शिरतोडे व श्वेता तारळकर हे शिवसेनेचे, विशाल पवार कृष्णा भीमा विकास आघाडीचे तर अमित भोईटे व रेहाना मोमीन हे भाजपचे व मोनिका गायकवाड या राष्ट्रवादी काँग्रेस शरदचंद्र पवार पक्षाच्या उमेदवार आहेत. प्रभाग क्र. ११ मधील १० पैकी २ अर्ज अवैध ठरले आहेत. येथून कृष्णाथ तथा दादासाहेब चोरमले व प्रियांका निकम हे शिवसेनेचे तर संदीप चोरमले व प्रियदर्शनी भोसले हे भाजपचे उमेदवार आहेत. सामाजिक कार्यकर्ते अमीरभाई शेख हे अपक्ष आहेत. प्रभाग क्र. १२ मधील १३ पैकी ७ अवैध ठरले आहेत, येथून शिवसेनेचे विकास काकडे व स्मिता शहा हे तर अरुण खरात व स्वाती फुले हे भाजपचे व नताशा पवार या राष्ट्रवादी काँग्रेस शरदचंद्र पवार पक्षाच्या उमेदवार आहेत. प्रभाग क्र. १३ मधून १८ उमेदवारी अर्ज दाखल होते. त्यापैकी ८ अवैध ठरले आहेत. येथून डॉ. सचिन सूर्यवंशी बेडके यांचे राष्ट्रीय काँग्रेस मधून व अपक्ष २ असे तीनही अर्ज वैध ठरले आहेत. सानिया बागवान या कृष्णा भीमा विकास आघाडीकडून तर मोहिनी हेंद्रे व रूपाली सस्ते भाजप व राहुल निंबाळकर राष्ट्रवादी काँग्रेस आणि मनोज शेडगे हे राष्ट्रवादी काँग्रेस शरदचंद्र पवार पक्षाचे उमेदवार आहेत.