राजेगटाला जबर धक्का, दडस वस्ती कुरवली येथील शेकडो कार्यकर्ते भाजपात दाखल, जयकुमार शिंदे अन् युवराज सस्ते चेअरमन यांची प्रचारात आघाडी

फलटण प्रतिनिधी -

कोळकी गटाचे जिल्हा परिषदेचे उमेदवार जयकुमार शिंदे तसेच जाधववाडी (फ.)गणाचे उमेदवार युवराज सस्ते चेअरमन यांनी प्रचारात चांगली आघाडी घेतली असून त्यांना मतदारांचा भरघोस प्रतिसाद मिळत आहे.

माजी खासदार रणजितसिंह नाईक निंबाळकर तसेच आमदार सचिन पाटील, नगराध्यक्ष समशेरसिंह नाईक निंबाळकर यांचे अत्यंत विश्वासू सहकारी जयकुमार शिंदे तसेच युवराज सस्ते हे नेहमीच सर्वसामान्य लोकांना आपलेसे वाटतात यामुळे आज राजे गटाला जबर धक्का बसला असून दडसवस्ती कुरवली प्रवेश येथील तरूण कार्यकर्त्यांनी मा.खासदार रणजितसिह नाईक निंबाळकर यांच्या नेतृत्वाखाली आज जिल्हा परिषद उमेदवार जयकुमार शिंदे व पंचायत समिती उमेदवार युवराज सस्ते यांच्या उपस्थितीत जाहीर प्रवेश केला आहे. 

यावेळी मा. खासदार रणजितसिह नाईक निंबाळकर यांच्या विकासाच्या कामावर विश्वास ठेवून आम्ही प्रवेश केला आहे असे युवा कार्यकर्ता ज्ञानेश्वर (माऊली )पिसाळ यांनी भावना व्यक्त केल्या यावेळी खालील कार्यकर्त्यांनी प्रवेश केली त्यामध्ये कुमार दडस,ज्ञानेश्वर पिसाळ,निलेश सूळ ,हेमंत निंबाळकर,अजित ठोंबरे ,वैभव दडस ,राजू नाळे,ब्रहदेव पिसाळ,शंकर दडस,अजित गोळे,आकाश आगवणे हे प्रमुख पदाधिकारी उपस्थित होते.