डाळमोडी येथे डॉ. बाबासाहेब आंबेडकर यांना अभिवादन

वडूज : भारतीय राज्यघटनेचे शिल्पकार डॉ. बाबासाहेब आंबेडकर यांच्या 130व्या जयंतीनिमित्त आज खटाव तालुक्यातील डाळमोडी येथे प्रमुख मान्यवरांच्या उपस्थितीत  महामानव डॉ. बाबासाहेब आंबेडकर यांना विनम्र अभिवादन करण्यात आले.

कोरोना महामारी संकटाने केंद्र व राज्य सरकारने संचारबंदीचा निर्णय घेतला आहे. त्यामुळे  कोरोना  नियमांचे पालन करून डॉ. बाबासाहेब आंबेडकरांच्या प्रतिमेला पुष्पहार अर्पण करण्यात आला.

यावेळी डाळमोडीच्या सरपंच नीलिमा कांबळे, उपसरपंच विजयदादा शिंदे, राजेश निकम, आकाश यादव, संतोष गोडसे,  विजय कांबळे, संतोष चौधरी आदी मान्यवर उपस्थित होते. 

आज डाळमोडी येथील बुद्ध विहार तसेच ग्रामपंचायतीमध्ये महामानव डॉ. बाबासाहेब आंबेडकर यांच्या प्रतिमेला पुष्पहार अर्पण करून डॉ आंबेडकर यांच्या कार्याचा यथोचित गौरव करणारी भाषणे करण्यात आली. 

कोरोनाच्या पार्श्‍वभूमीवर उपस्थित लोकांना मास्क व सॅनिटायझरचे वाटप उपसरपंच विजयदादा शिंदे यांनी केले. 

यावेळी बापू शिबे, बजरंग पाटील, भास्कर तावडे, सुनील कांबळे, अनिकेत कांबळे, प्रणव कांबळे, कृणाल शिंदे, वर्षा तावडे, कल्पना कांबळे, अनिल कांबळे, आकाश कांबळे,  स्वप्नील कांबळे आदी उपस्थित होते.

राजेश निकम यांनी प्रास्ताविक केले.