वीर धरणातून निरा नदी पात्रात विसर्गात वाढ : निरा नदीच्या दोन्ही तिरावर सतर्कतेचा इशारा

फलटण प्रतिनिधी - वीर धरण पाणलोट क्षेत्रात पर्जन्यमान वाढल्याने आज दि. १९ ऑगस्ट २०२५ रोजी सायंकाळी ७ वाजता नीरा नदीच्या पात्रात सुरू असलेल्या विसर्गात वाढ करुन तो ४७३५० क्यूसेक्स इतका सुरु करण्यात आला आहे. निरा नदीच्या दोन्ही तिरावरील सर्वांनी याबाबत सावधानता बाळगावी.पाण्याची आवक व पावसाचे प्रमाण लक्षात घेता नदीपात्रातील विसर्गात वाढ होण्याची शक्यता असल्याचे कार्यकारी अभियंता निरा उजवा कालवा विभाग फलटण यांनी म्हटले आहे.