प्रियदर्शनी रणजितसिंह भोसले यांची उपनगराध्यक्षपदी बिनविरोध निवड, स्वीकृतपदी सुदाम आप्पा मांढरे, अशोकराव जाधव
शिवसेनेकडून श्रीमंत अनिकेतराजे यांची निवड, फलटण पालिकेच्या निवडी बिनविरोध
टीम : धैर्य टाईम्स
श्रीमंत रामराजे यांचे सुपुत्र श्रीमंत अनिकेतराजे यांचा नगराध्यक्ष पदी झालेला पराभव तसेच त्यांनी प्रचारदरम्यान सांगितले होते की मी आता इथंच राहणार आहे व फलटण शहराच्या विकासासाठी योगदान देणार आहोत असे जाहीर केले होते यामुळे त्यांची शिवसेना गटाकडून स्वीकृत नगरसेवक म्हणून निवड करण्यात आली आहे
फलटण प्रतिनिधी -
फलटण पालिकेत सत्ता काबीज करीत भाजपा तसेच राष्ट्रवादी काँग्रेस ची सत्ता आली होती त्या अनुषंगाने आज उपनगराध्यक्ष पदी सौ. प्रियदर्शनी रणजितसिंह भोसले यांची उपनगराध्यक्ष पदी बिनविरोध निवड करण्यात आली तसेच स्वीकृत नगरसेवक पदी भाजपचे जेष्ठ नेते तथा माजी नगरसेवक सुदाम आप्पा मांढरे यांची तसेच माजी गटनेते अशोकराव जाधव तसेच शिवसेना नगराध्यक्ष पदाचे राहिलेले उमेदवारी तथा माजी नगरसेवक ऍड. श्रीमंत अनिकेतराजे रामराजे नाईक निंबाळकर यांची बिनविरोध निवड करण्यात आली.
पिठासीन अधिकारी तथा नगराध्यक्ष समशेरसिंह नाईक निंबाळकर यांच्या अध्यक्षतेखाली झालेल्या आजच्या बैठकीत उपनगराध्यक्ष तथा स्वीकृत नगरसेवक यांच्या निवडी करण्यात आल्या. गेली तीस वर्षे हुन अधिक काळ एकहाती सत्ता असलेल्या राजेगटाकडून भाजपा राष्ट्रवादी काँग्रेस ने सत्ता खेचून आणत थेट नगराध्यक्ष पदी समशेरसिंह हिंदुराव नाईक निंबाळकर यांच्यासाह तब्बल अठरा नगरसेवक निवडून आणित राजेंगटाच्या सत्तेला सुरुंग लावीत खासदारकीचा पराभवाचा वचपा आमदारकीच्या निवडणुकीत अन आता दुसऱ्यांदा पालीका निवडणुकीत राजेगटाला हदरा देत माजी खासदार रणजितसिंह नाईक निंबाळकर यांनी विधान परिषदेचे माजी सभापती श्रीमंत रामराजे नाईक निंबाळकर सुपुत्र असलेले अनिकेतराजे नाईक निंबाळकर यांचा पराभव केला होता.
दरम्यान आज झालेल्या निवडीत नगराध्यक्ष पदाची शेवटच्या क्षणी माघार घ्यावी लागलेले दिलीपसिंह भोसले यांच्या सुनबाई सौ. प्रियदर्शनी भोसले यांची उपनराध्यक्ष पदी निवड झाली तर मलठन येथे गड आला पण सिंह गेल्याची खंत मलठन मध्ये होती त्यामुळे तेथील माजी नगरसेवक तथा माजी गटनेते अशोकराव जाधव यांची निवड करण्यात आली तर श्रीमंत रामराजे यांचे सुपुत्र श्रीमंत अनिकेतराजे यांचा नगराध्यक्ष पदी झालेला पराभव तसेच त्यांनी प्रचारदरम्यान सांगितले होते की मी आता इथंच राहणार आहे व फलटण शहराच्या विकासासाठी योगदान देणार आहोत असे जाहीर केले होते यामुळे त्यांची शिवसेना गटाकडून स्वीकृत नगरसेवक म्हणून निवड करण्यात आली आहे.
दरम्यान आज नूतन उपनगराध्यक्ष पदी सौ. प्रियदर्शनी रणजितसिंह भोसले यांची उपनगराध्यक्ष पदी बिनविरोध निवड झाल्याने त्यांचा सत्कार माजी खासदार रणजितसिंह नाईक निंबाळकर, आमदार सचिन पाटील, जेष्ठ नेते प्रल्हादराव साळुंखे पाटील माजी नगराध्यक्ष दिलीपसिंह भोसले, माजी नगरसेवक तथा जेष्ठ नेते बाळासाहेब भोसले यांनी केला यावेळी उपनगरध्यक्ष अन स्वीकृत नगरसेवक पदी निवड होताच गुलाल अन फटाका्यांची आतषबाजी करण्यात आली यावेळी शेकडो समर्थकांनी नूतन निवड झालेल्यांचे अभिनंदन केले.यावेळी सर्व नगरसेवक तसेच अधिकारी उपस्थित होते.
संबंधित बातम्या
