ब्रेकिंग | फलटण प्रभाग क्रमांक २ मध्ये सायंकाळी साडेपाच नंतरही मतदान सुरूच

ब्रेकिंग | फलटण

प्रभाग क्रमांक २ मध्ये सायंकाळी साडेपाच नंतरही मतदान सुरूच

फलटण नगरपरिषद निवडणुकीअंतर्गत प्रभाग क्रमांक २ मध्ये सायंकाळी साडेपाच वाजून गेल्यानंतरही मतदान प्रक्रिया सुरू आहे. मतदान केंद्रांबाहेर मतदारांच्या अजूनही लांबच लांब रांगा दिसून येत असून, मोठ्या उत्साहात नागरिक मतदानाचा हक्क बजावत आहेत.

दिवसभरात मतदानासाठी चांगला प्रतिसाद मिळाला असून, शेवटच्या क्षणापर्यंत मतदार मतदानासाठी येत असल्याने मतदान केंद्रांवर गर्दी कायम आहे. महिला, युवक तसेच ज्येष्ठ नागरिकांचा सहभाग लक्षणीय असून, मतदानाचा टक्का वाढण्याची शक्यता व्यक्त केली जात आहे.

निवडणूक यंत्रणा व पोलिस प्रशासनाच्या वतीने सुव्यवस्था राखण्यासाठी आवश्यक खबरदारी घेण्यात आली असून, रांगेतील सर्व मतदारांचे मतदान पूर्ण होईपर्यंत मतदान प्रक्रिया सुरू ठेवण्यात येणार आहे.