रणजितसिंह यांच्या प्रभावी प्रेझेंटेशनने दूध का दूध पाणी का पाणी

फलटण प्रतिनिधी - फलटणमधील महिला डॉक्टरच्या आत्महत्या प्रकरणी गेल्या काही दिवसापासून माझ्यावर आरोप होत आहेत. मीडियाला ही चुकीची माहिती फलटण मधील मास्टरमाइंड पुरवत असल्याची पोलखोल माजी खासदार रणजितसिंह नाईक निंबाळकर यांनी केली. प्रभावी प्रेझेंटेशन ने दूध का दूध पाणी का पाणी करीत नार्को टेस्टला आपण तयार आहोत रामराजे यांनाही नार्को टेस्टला सामोरे जावे असे खुले आव्हान माजी खासदार रणजितसिंह नाईक निंबाळकर यांनी केले. ते फलटण येथील गजानन चौकात झालेल्या खूल्या पत्रकार परिषदेत बोलत होते. 

फलटण मधून मास्टर माईंड यांनी सुषमाताई अंधारे यांना चुकीची माहिती पुरवली असल्याने माझ्यावर व स्वराज कारखान्यावर त्यांनी चुकीचे आरोप केले असल्याचे यावेळी रणजितसिंह यांनी निदर्शनास आणून दिले. त्यात त्यांचा दोष नसल्याचे ते म्हणाले. 

दिगंबर आगवणे, जयश्री आगवणे यांनी केलेले आरोप हास्यास्पद असल्याचे रणजितसिंह यांनी पुराव्याणीशी दाखविले. तर अनेक वित्तीय संस्थानी दिगंबर आगवणे यांच्यावर फसवणूकीचे गुन्हे दाखल केलेचे सांगितले. 

यावेळी रणजितसिंह पुढे म्हणाले, सुषमाताई अंधारे यांना आपण या पत्रकार परिषदेसाठी आमंत्रित केले होते त्या आल्या नाहीत त्यांच्या बद्दल कुणी अपशब्द काढले असतील तर मी त्यांची माफी मागतो ज्यांनी ज्यांनी माझ्यावर आरोप केले त्यांना एकच सांगतो आपल्याला बदलावं आणायचाय बदला घ्यायचा नाही.

फलटणच्या विकासासाठी आम्ही सतत फडणवीस यांना भेटतो पाणी,रस्ते, रेल्वे , महसूल भवन अनेक मागण्या मी फक्त फलटणच्या विकासासाठी मागत असतो फलटण साठी मागताना माझी मागण्याची क्षमता कमी होत नाही आणि मुख्यमंत्री देवेंद्र फडणवीस यांची देण्याची क्षमता कधी कमी होत नसल्याचे निंबाळकर म्हणाले.

 खुल्या पत्रकार परिषदेनंतर उपस्थित महिलांनी माजी खासदार रणजीतसिंह यांची दृष्ट काढून दुग्ध अभिषेक घातला. यावेळी रणजितसिंह यांना अश्रू अनावर झाले. यावेळी उपस्थित त्यांनाही आपल्या भावना अनावर झाल्या होत्या. 

 यावेळी आमदार सचिन पाटील, समशेर सिंह नाईक निंबाळकर, ॲड. नरसिंह निकम, दिलीपसिंह भोसले, शिवरूपराजे खर्डेकर यांनी आपले मनोगत व्यक्त केली.