प्रभाग २ मध्ये सोनू संग्राम अहिवळे यांच्या प्रचाराचा नारळ फुटला! महिलांचा आणि नागरिकांचा उस्फुर्त प्रतिसाद;

फलटण प्रतिनिधी – फलटण नगर परिषदेच्या निवडणुकीमध्ये आता रंगत वाढू लागली आहे. 

प्रभाग क्र.२ मध्ये अपक्ष उमेदवार म्हणून उभ्या असलेल्या सौ. सोनू संग्राम अहिवळे यांच्या प्रचाराची सुरुवात दमदार पद्धतीने झाली असून, त्यांना महिलांचा आणि स्थानिक नागरिकांचा उत्स्फूर्त प्रतिसाद मिळत असल्याचे चित्र दिसत आहे. प्रचार फेरीदरम्यान अनेक भागातून स्वयंप्रेरणेने सहभागी होणारे नागरिक, तरुण व ज्येष्ठांचा वाढता पाठिंबा यामुळे हा प्रचार सध्या प्रभागातील चर्चेचा केंद्रबिंदू ठरत आहे.

प्रचाराच्या सुरुवातीला नारळ फोडून शुभारंभ करण्यात आला. यावेळी परिसरातून “TV च येणार… प्रभागात नवा चेहरा दिसणार!” अशी चर्चा सुरू असून, अनेक जणांनी सोनू अहिवळे यांना प्रभागाच्या विकासासाठी सक्षम पर्याय असल्याचे मत व्यक्त केले.

सोनू संग्राम अहिवळे या सुशिक्षित उमेदवार असून, त्यांची प्रशासनिक समज, लोकांपर्यंत पोहोच आणि संवादकौशल्यामुळे त्यांची प्रतिमा अधिक मजबूत होत आहे. स्थानिक प्रश्नांची उत्तम जाण, महिलांच्या समस्या, पाणीपुरवठा, रस्ते, समतोल विकास आणि मूलभूत सुविधांचे नियोजन या विषयांवर त्या सातत्याने कार्यरत असतील, अशी अपेक्षा मतदारांमध्ये निर्माण झाली आहे.

प्रभागातील अनेक महिला गट, युवक आणि ज्येष्ठांनी त्यांना ठाम पाठिंबा दर्शवला असून, या निवडणुकीत त्या अपक्ष असूनही प्रबळ उमेदवार ठरण्याची चिन्हे दिसत आहेत.

महत्वाचे मुद्दे:

दमदार प्रचार सुरुवात

महिला व तरुणांचा उत्साही सहभाग

प्रभागात चर्चा आणि सकारात्मक वातावरण

सुशिक्षित उमेदवार असल्याचा फायदा

प्रभाग २ मध्ये सुरू झालेली निवडणूक चुरस आता रंगतदार व रोचक वळणावर पोहोचली असून, सोनू संग्राम अहिवळे यांच्या प्रचारामुळे समीकरणात मोठा बदल होण्याची शक्यता व्यक्त केली जात आहे.