खा. रणजितसिंह व आ.जयकुमार गोरे उद्या विडणीत गरजणार

आ. जयकुमार गोरे त्यांना झालेल्या अपघाता नंतर पहिल्यांदाच फलटणला येत आहेत. फलटण येथील बांगणगा नदी पुलावर त्यांचा 24 डिसेंबर 2022 रोजी पहाटेच्या सुमारास अपघात झाला होता. बांगणगा नदीच्या पुलावरील धोकादायक वळण व संरक्षक कठडा याविषयी अनेक वृत्तपत्रांनी वारंवार आवाज उठवला होता मात्र स्थानिक प्रशासनाने दुर्लक्ष केले होते. तर आ. गोरे यांचे वडिल भगवानराव गोरे यांनी हा अपघात घातपात असण्याची शक्यता वर्तवली होती. या विषयी आ. गोरे काय बोलणार याकडे संपूर्ण तालुक्याचे लक्ष लागून राहिले आहे.

फलटण : खा. रणजितसिंह नाईक निंबाळकर यांचा फलटण तालुका दौरा शुक्रवार दिनांक 3 मार्च रोजी विडणी येथील आभार सभेने संपन्न होत आहे. यावेळी माण -खटाव चे आमदार जयकुमार गोरे, यांच्या सह फलटण तालुक्यातील विविध मान्यवर यावेळी उपस्थित राहणार आहेत.

शुक्रवार दि. ३ मार्च रोजी सायंकाळी ६ वाजता विडणी येथे ग्रामपंचायतच्या माध्यमातून कोट्यावधी रुपये खर्चाच्या विविध विकास कामांची भूमिपूजने व प्रत्यक्ष कामाचा शुभारंभ खा. रणजितसिंह नाईक निंबाळकर यांच्या अध्यक्षतेखाली व आ.जयकुमार गोरे यांच्या हस्ते विविध मान्यवरांच्या उपस्थित समारंभपूर्वक करण्यात येणार असल्याचे विडणीचे लोकनियुक्त सरपंच सागर अभंग यांनी सांगितले.

खा. रणजितसिंह नाईक निंबाळकर व आ. जयकुमार गोरे यांच्या मार्गदर्शनाखाली शासन स्तरावर निधी उपलब्ध करुन घेण्यासाठी प्रयत्न केले असता मुख्यमंत्री एकनाथ शिंदे व उपमुख्यमंत्री देवेंद्र फडणवीस यांनी विविध योजनांमधून अनेक विकास कामे मंजूर करुन दिल्याने निधीची तरतूदही झाली असल्याचे लोकनियुक्त सरपंच सागर अभंग यांनी सांगितले.

याच विकास कामांची भूमिपूजने व खा. रणजितसिंह नाईक निंबाळकर यांच्या फलटण तालुका दौऱ्याची आभार सभा होणार असून या कामांचा प्रत्यक्ष शुभारंभ होणार असल्याचे लोकनियुक्त सरपंच सागर अभंग यांनी निदर्शनास आणून दिले.

 मंजूर झालेली विकास कामे पुढील प्रमाणे केंद्रीय पेय जल योजना ३२ कोटी ८० लाख रुपये, मोडू ते राजाळे रस्ता डांबरीकरण २ कोटी ८० लाख रुपये, आसू रोड ते काळुखे वस्ती रस्ता खडीकरण करणे (१.५ कि.मी.), आसू रोड ते काळुखे वस्ती रस्ता डांबरीकरण करणे ५ लाख रुपये, मोडूकाई मंदिर ते दहाबिघे - टिळेकर वस्ती खडीकरण (१.५ कि. मी.), २४ फाटा ते मिलिंद नाळे वस्ती रस्ता डांबरीकरण ७ लाख रुपये, मोडूकाई मंदिर ते २५ फाटा रस्ता खडीकरण २ कि. मी., जिल्हा परिषद शाळा ६ मॉडर्न शौचालय ३६ लाख रुपये, दंडीले मळा ते राऊतवाडी रस्ता काँक्रीटीकरण १५ लाख रुपये, विडणी अंतर्गत रस्ता काँक्रीटीकरण १० लाख रुपये, पंढरपूर रोड ते इंगळे - कदम वस्ती रस्ता डांबरीकरण १० लाख रुपये, आगवणे वस्ती पेव्हर ब्लॉक बसविणे ५ लाख रुपये, मांगोबा माळ समाज मंदिर सुशोभीकरण ४ लाख रुपये, बौद्ध नगर अंतर्गत रस्ता काँक्रीटीकरण १० लाख रुपये, बौद्ध नगर अंगणवाडी नवीन इमारत ११.५० लाख रुपये, आदलिंगे वस्ती नवीन अंगणवाडी इमारत ११.५० लाख रुपये, टिळेकर वस्ती ते शिनगारे वस्ती रस्ता डांबरीकरण ७ लाख रुपये, आसू रोड ते आदलिंगे वस्ती रस्ता काँक्रीटीकरण २० लाख रुपये, आदलिंगे वस्ती ते गुलाब पदु अभंग वस्ती रस्ता खडीकरण १ कि. मी., तळवली ते अभंग वस्ती - पवार वस्ती रस्ता खडीकरण २ कि. मी.,जानूबाई मंदिर ते ज्योतिबा मंदिर विद्यानगर परिसर पेव्हर ब्लॉक १० लाख रुपये, जयभवानी मंदिर, ननावरे वस्ती परिसर पेव्हर ब्लॉक ५ लाख रुपये.